Lífið..

Við erum meira og minna internetlaus hér heima þessa dagana þannig að aldrei þessu vant þá er ég með afsökun fyrir bloggleysi! Þeir hjá símanum sáu það strax í fyrsta símtali að eitthvað mikið væri að á línunni til okkar og ætla að senda viðgerðarmann - komdu fagnandi! Þess skal getið að ég geri mér ekki vonir um að hann komi þessa vikuna…..

 

Hann er dásemdin ein þessi nýfæddi sonur minn. Hver hefði trúað því að það sé svona allt annað líf að vera í orlofi með nýfætt barn? Hann er jú 3ja barnið mitt en í fyrsta skiptið sem ég er í fæðingarorlofi, ég átti báðar stelpurnar í námi og hægði ekkert á mér í námi, verknámi né prófum. Núna hef ég tíma til þess að njóta… þetta er jú ekkert alltaf dans á rósum en lausa tímann sem ég fæ get ég nú reynt að nýta í að safna kröftum og vera tilbúin í næsta slag!

Systurnar og Klöruskottið okkar fóru í framleiðslu á listaverkum

Svo fóru allir í það verkefni saman að baka fyrir skírnina hjá litla bróður- það er þó eithvað lítið eftir og því líklegt að mamman taki kvöldin í bakstur þessa vikuna og feli afurðirnar jafn óðum!

Þessar tær eru svo sætar og mjúkar að mig langar að taka smá bita!

Heiða