Lífið...

Hér hefur allt gengið sinn vanagang yfir jólahátíðina- við haft það aldeilis ágætt bæði í vinnu og frítíma. Það verður víst seint þannig að bændur fái langt og mikið jólafrí enda alltaf í nógu að snúast.

Ég er enn að telja í mig kjark að hafa kjólaþema í janúar- það yrði þá 3ja árið sem "Kuldaskræfa í kjól" fer í loftið. Það eru nokkur svona atriði með og á móti:

Með: 

Ég hef eignast fullt af nýjum kjólum á árinu og það væri næstum synd að deila þeim ekki með öðrum kjólaunnendum.  (Vandræðalega margir þeirra eru þó með blómamunstri)

Ég ætti talsverðan séns í að verða fín og sæt flesta daga í þessum fyrsta mánuði ársins

Það gæti verið gaman að fylgjast með vaxandi bumbu á hverjum degi á mánuð- það er nú ekki í hverjum mánuði sem það þykir gott mál að vömbin vaxi dag frá degi!

Móti:

Nenna- þ.e.a.s skortur á henni

Ljósmyndun- ég mun ekki hafa aðgang að ljósmyndara líkt og síðast sem tekur þemað vissulega niður um nokkur level. "Selfie" í forstofuspeglinum heima hjá mér gæti orðið ansi þreytt.

Líkurnar á því að ég upplifi mig eins og hval með áðurnefndu vaxandi vömbina eru talsverðar og ég því e.f.t.v. illa stemmd í myndatöku 

Endum þetta á kjólamynd- en ekki hvað!

27 vikna jólabumba á aðfangadagskvöld.

Á morgun kemur svo meira…já á morgun segji ég!!

HP