Lífið...

Framkvæmdir í stofunni ganga vel- húsið á haus og allt í ryki. Þannig verður það bara nokkra daga í viðbót. Ég hef nýtt tækifærið og farið hamförum í skápum og hirslum heimilisins- það er nefnilega svolítið til í þessu hjá dóttur minni með allt "draslið" sem mamma hennar er að geyma. Ég er því núna að hreinsa til og mun halda Góða hirðinum og fatasölu rauða krossins uppi næstu vikurnar. Það virðist nefnilega vera þannig að því meira dót sem maður á- þeim mun meira þarf að taka til. Mér finnst ég alltaf vera að taka til.

"Heiða, af hverju ertu með sólgleraugu í vinnunni?" " Af því að ég er svo svöl."

Nei... ekki alveg. Ég er með tryllingslega vöðvabólgu sem veldur mér miklum höfuðverk. Það sem svo verra er að vöðvabólgan hefur gert hægri hendina svo til óstarfhæfa og ég get ekki prjónað!

Þessi gleðipinni vildi halda skemmtipartí með mömmu sinni á dögunum þegar eldri systirin fékk að fara í skólabíó. Hennar besta skemmtikvöld er að spila og borða popp- dásamlegt!

Það er augljóslega of langt síðan ég hef tekið hjúkkuvakt. Ég horfði á æðarnar í ristinni á mér um daginn og hugsaði um hvað það væri nú gaman að setja upp æðalegg þarna!!

HP