Afmælis afmælis

Ljósið mitt hún Lilja Björk á 7 ára afmæli í dag. Mér finnst það alveg ótrúlegt að barnið sem mér finnst ég hafa borið um í belgnum fyrir nokkrum mánuðum sé núna korteri frá gelgjuskeiðinu!

Ég tjaldaði öllu til og notaði alla tíu þumalfingurna í að föndra skraut og skreyta kökur:

Þegar afmælisgestir mættu á svæðið þá beið þeirra poppkorn í pappaboxum og útileikir

Svo var búið að skreyta með heimagerðum fánalengjum og ferskum blómum

Mér tókst að gera afmælisköku sem lítur ekki út eins og kúkur. Ég er eiginlega fáránlega stolt af þessari köku- er að hugsa um að sækja um inngöngu í ofurmömmuklúbbinn!

Þar sem ég á það til að ofmetnast og ég var "on fire" þá urðu kökurnar tvær

Borðdúkurinn var fremur langt frá því að ná yfir allt borðið, enda slíkur munaður algjörlega ofmetin.

Í lok veislunnar buðum við svo uppá kúluís í brauðformi enda veðrið með besta móti. Afmælisstúlkan var ansi sátt með þetta.

Kúlúís með hjartaskrauti

Já það má segja að ég hafi farið nokkur level upp í afmælisveisluhaldi sem hingað til hafa einkennst af skúffuköku með glassúr, borinni fram í ofnskúffunni og veislusetti í boði landsbankans.

Ég kannski stefni á þetta level a ca. 7 ára fresti! 

HP