Hrakfallasagan

Nú er komið að því að ég tel mig tilbúna til að segja hrakfallasöguna mína!

Eins og ég sagði frá hér fyrir nokkru þá ákvað ég að prjóna jólakjóla á stelpurnar mínar. Keypti dásamlegt garn í Litlu Prjónabúðinni ( uppáhaldsuppáhalds búðin mín!).

Kjóllinn fallega röndóttur og prjónaðist vel, ég komin langt með að klára fyrri kjólinn. 

Við hjónin skelltum okkur í bíltúr með börnin og ég í framsætinu að prjóna eins og svo oft áður. Áður en heim er haldið þurfum við að keyra Lilju Björk í afmæli, stoppum fyrir utan og við mæðgur skottumst inn í afmælið á meðan Axel snýr bílnum við. 

Þegar ég sný aftur í bílinn kemur vinur okkar sem var staddur í næsta húsi hlægjandi og spyr hvað þetta hafi nú verið sem dróst á eftir bílnum út götuna og tilbaka?

Já ég get sagt ykkur það að mér var ekki hlátur í hug- hvæsti framan í vesalings manninn og orgaði á eiginmanninn " Hvað í #$%%&// varstu eiginlega að gera??"

Á eftir bílnum hafði drokkan mín dregist götuna endilanga... fíni fallegi kjóllinn raknaður upp og garnið drulluskítugt!

Eftirmálar urðu þessir: Eiginmaður fyrirgaf mér fljótt fyrir orgið, vesalings maðurinn sem varð vitni að þessu veit nú að ég er með skap, mér rann fljótt reiðin ( eftir að hafa hent garnflækjunni í ruslið) og þess má geta að jólakjólarnir þetta árið hafa nú þegar verið keyptir í Lindex!!

Ég skrapp svo á dögunum í Litlu Prjónabúðina til að skila restinni af garninu sem átti að fara í kjólana (#$&$&W%&#) og fá mér eitthvað annað í staðinn. Ennþá full sjálfsvorkunnar eftir þetta atvik ákvað ég að tríta sjálfa mig og verslaði þetta garn:

Dásamlegt Baby Alpaca sem ég ætla að nota í sjal handa sjálfri mér :)

HP